Ísland er land þitt......

Pólitík, tja eða bara hjólatík eins og þeir bræður Jón Oddur og Jón Bjarni sögðu hér forðum daga. 

Eitt það furðulegasta fyrirbæri sem á  Íslandi finnst í dag er einmitt pólitíkin, ekki þykir mér nú mikið til þessa fólks koma sem þar er allsráðandi og stjórnar landinu eins og hópur sirkustrúða, en það er ég viss um að ef honum Dabba hefði verið fleygt á dyr seðlabankans í upphafi kreppunnar þá hefðu ekki orðið þessi miklu mótmæli og læti, ekki það að auðvitað er allt í lagi að mótmæla, en kannski var þetta komið aðeins út fyrir öll velsæmismörk, eða ég veit ekki!  en ef þjóðin hefði séð það að forsætisráðherrann ásamt sinni ríkisstjórn hefði verið að gera eitthvað róttækt í málunum þá hefði þetta farið aðeins betur fram, en þetta eru nú bara getgátur í mér, sem þurfa ekki endilega að endurspegla mat þjóðarinnar   En það ætla ég nú að vona að með nýjum forsætisráðherra og nýrri ríkisstjórn fái Davíð að fjúka, ég bara trúi ekki öðru, því það eru sennilega margir sem sitja um það að geta steypt honum af stóli, en Steingrímur J já nei takk það er nú held ég ekki til að bæta ástandið að setja hann inn í þessi mál (jakk).  

En á hinn bóginn þá er ég viss um það að Geir er alveg öndvegis maður (enda fékk hann mitt atkvæði í síðustu kosningum) og Ingibjörg Sólrún alls ekki síðri,  það er bara komin tími á að þessir gömlu refir dragi sig í hlé og hleypi nýju fólki að, enda ekki mikið eftir hjá þeim til að gefa, vonandi að þeirra barátta við þetta ansk... krabbamein sem allstaðar virðist þurfa að troða sér gangi vel. 

Þorgerður Katrín hefur svo sannarlega mikinn kjörþokka, en spurning hvort hún hafi nokkuð þarna að gera eftir þetta allt, vissulega hefði hún átt góðan séns, en hvort þjóðin vill hana í forustu eftir öll hennar persónulegu mál sem komu upp úr kafinu, er ég ekki viss um.  Það er lengi hægt að ræða þessi mál og velta sér uppúr þessu, og gerir fólk það held ég alveg óspart þessa daganna, hvort sem það er í vinnunni, klippingu, í búð heima hjá sér aða bara í saumaklúbb, ástand þjóðfélagsins er á allra vörum, og meira að segja þá er börnin farin að taka eftir því að ekki er allt með feldu, enda kannski í lagi að þau þessi saklausu grey fari að átta sig á því strax hvað bíður þeirra í framtíðinni.

 

 

Nýtt ár gengið í garð

Og jamm og já, veri velkomið árið 2009.  Alveg finnst mér ótrúlegt hvað tímanum líður, eina stundina er maður allt of ungur til að gera hitt og þetta, en örstuttu seinna þá er maður bara að nálgast það að vera komin á besta aldur, furðulegt!!  Ekki að það sé neitt slæmt, en versta við þetta allt saman er það að það eldast víst líka allir í kringum mann, þá er ég aðallega að tala um mömmur, pabba ,afa, ömmur og þess háttar, fólk sem manni hefur alltaf fundist vera eins og vill alltaf hafa eins, en eldist víst eins og við hin, og hugsunin um það að vera komin á fertugsaldurinn!! gerir það að verkum að þetta fólk er víst bara allt að verða eld æva gamalt

En árið 2008 var bara alveg hreint ágætis ár hjá okkur fjölskyldunni og vorum við nú ekkert að breyta út af vana síðustu ára og fluttumst við búferlum enn eina ferðina, og þykir mörgum við flytja frekar oft, en það sem fólk skilur ekki alveg er það að mér finnst þetta svo sem ekkert slæmt, ég sit þó ekki uppi með haug af einhverju drasli sem er búið að vera inní geymslu í 100 ár ónotað og kemur aldrei til með að verða notað, ó nei ég á ekkert slíkt, það er kosturinn við að flytja annað slagið ,maður er svo duglegur að henda   Ég viðurkenni það nú hins vegar fúslega að ég vona að við getum tekið okkur frí frá flutningum allavega þetta árið, en maður veit aldrei hvað gerist, það eitt mun aðeins tíminn leiða í ljós, t.d þá er leigan kominn uppúr öllu valdi hjá okkur þykir mér og veit ég ekki hversu lengi við hreynlega höldum þetta út, sérstaklega líka þar sem að það er ekki jafn mikil vinna hjá iðnaðarmanninum mínum sökum "fukkings" KREPPUNNAR, en ekkert kvart og kvein hér takk...! 

Áramótaheitið mitt þetta árið er að reyna að fara oftar suðu á bóginn til að njóta samvista við mína frábæru fjölskyldu sem ég hitti allt of sjaldan, já og svo náttúrulega missa 10 kíló fyrir næstu jól og hætta að naga neglurnar

nó þvaður í bili

síja