Letilíf

Í dag er sko letidagur, ekkert að gera í vinnunni, viðbjóðslegt veður (komið eitthvað hvítt kuldalegt ógeð í toppa vaðlaheiðarinnar) BRRRR....  já og svo er rigning og verulega dimmt úti núna oní þetta allt saman, úff ef maður á ekki eftir að fara beinustu leið undir teppi eftir vinnu í dag þá veit ég ekki hvað.  Þetta er víst allt að gerast svona hægt og sígandi, veturkonungur fer að ganga í garð sýnist mér, enda að koma október, vona nú samt að hann sýni okkur jarðarbúum smá vægð og haldi aðeins aftur að sér, er ekki alveg tilbúin til að takast á við harðindin strax  En allavega, í gær þá komu Dagný, Ægir og co til okkar og við elduðum saman þennan líka rosalega góða kjúlla (sko aldrei neitt slor þegar Daggan er annars vegar) ó nei, en þetta var einhver uppskrift upp úr bók eftir hana Jóhönnu fréttakonu á RÚV, og ef allt er svona gómsætt í hennar bókum þá er ég nú alveg til í að skoða þær eitthvað betur, að sjálfsögðu þá var opnuð rauðvínsflaska svona í tilefni dagsins alltaf hægt að finna sér tilefni til að opna svoleiðis hmmm....ekki satt  það er nú reyndar eins gott að þau eru ekki að flytja til Ak þá væri maður nú sennilega ekki lengi að hlaupa í spik, ljótt ef það kæmi í fréttum einn daginn að tvær nýfeitar snarbrjálaðar kellingar voru fluttar á vog eftir að vera búnar að valda miklum usla á Akureyri uppá síðkastið með óteljandi matarveislum, sem væru flæðandi í rauðvíni og látum...ja nei held að það gangi ekki, skárra að það komi í Hafnafjarðarfréttunum

En jæja ætli það sé ekki best að reyna að gera eitthvað gáfulegt hér, frekar asnalegt að vera bara áskrifandi af laununum sínum, þannig að ég ætla að reyna að gera eitthvað af viti hér.

Þangað til næst 

hafið það gott um helgina.....

Litli sæti frændi minn

                  

Ég bara varð að setja inn eina mynd af dúllunni, vona að systir mín verði ekki spinni gal.

Áhugabloggari sem stendur sig ALDREI í stykkinu.....

Jamm og já það eru orð með réttu, langar svo að halda úti bloggsíðu en það bara er ekki svo einfalt.  Ég fyllist orku og bloggáhuga svona annað veifið en eftir svona tvær til þrjár færslur þá bara gleymist bloggið þar til áhuginn kviknar á ný, en viti menn þegar hann kviknar á ný þá verð ég að byrja á því að stofna nýja síðu.."en hvers vegna" jú það er nú vegna þess að ég er alltaf búin að gleyma lykilorðinu og þessu öllu til að komast inná gömlu síðuna.  En hvað um það, fólk hefur nú bara gott af smá fjölbreytni, og af henni á ég nú nó, t.d þá þurfa ættingjarnir mínir sem búa fyrir sunnan aldrei að heimsækja mig í sömu íbúðina tvisvar því okkar mottó er að flytja sem oftast, en þeir sem koma til okkar oftar en einu sinni á ári þurfa reyndar að koma oftar í sömu húsakynni,  það er nú svo sem ekki mikið um það að fólk geri það, tja nema Linda mágkona og co þau eru reyndar voða dugleg að koma já og Dagný sem þó bjó nú í Hollandi, held þær hafi nú ekkert komið sjaldnar til okkar heldur en teindó sem býr þó í samt sama bæjarfélagi og við...nei nei bara smá djók  Nýja heimilisfangið okkar er Lækjartún 8 íbúð 207.   Þetta er afar fín og flott íbúð og það tók okkur sko ekki langan tíma að koma okkur fyrir, svona þar sem sumir telja mig vera með e-hverja hendi áráttu þá eigum við ekkert auka drasl og dót til að planta hér og þar um alla íbúð, þannig að þetta var fljót afgreitt mál, svo ég tali nú ekki um hjálpina sem barst alla leið að sunnan, en þau Linda og Beggi komu sér ferð til þess að hjálpa okkur við þetta og kom það sér afar vel og erum við þeim afar þakklát fyrir það  En svo eru það nýjustu fréttirnar að hún Tara systir mín og Ástþór hennar ástkæri elskhugi eru búin að eignast barnið sem er nú aldeilis búið að íþyngja henni systir minni síðustu mánuði, þannig að Poulsen fjölskyldan fer sífellt stækkandi og er þetta nú alveg með eindæmum gullfallegt og heilbrigt fólk sem í hana fæðist til hamingju með þetta kæra fólk  Og svo má ekki gleyma því að Dagga beik og co eru flutt til landsins aftur, það verður ágætt að hafa þau aðeins nær, ætla þau sér að setjast að á suðurlandinu til að byrja með þar sem Beik ætlar sér að leggja undir sig snyrtibransann á Íslandi.

En jæja ætli þetta sé ekki ágætt í bili, og svo bara kemur í ljós með framhaldið.......