Sumarblíða í loftinu

Sumarið er held ég á næsta leiti, eða vonandi allavega!  veðrið úti núna er ansi gott, reyndar byrjaði þessi dagur á mikilli þoku en það er að glæðast og farið að sjást til sólar.  Ég og mín fjölskylda bíðum spennt eftir sumrinu, og er planið að hafa þetta sumar ekki jafn strembið og öll hin sumrin sem við hjónin höfum átt saman, undanfarin sumur höfum við ekki sést mikið og sumarfrí er eitthvað sem hann Einsi minn veit ekki hvað er, því auðvitað er alltaf mest að gera hjá málurum á sumrin.

En þetta árið verður furðulegt hjá okkur og margt að fara að gerast t.d þá er hún Anna Karen að byrja í skóla í haust, og er mikil spenna hjá henni fyrir því, ja og okkur foreldrunum svosem líka en æi ég veit ekki þetta er jú litla stelpan okkar sem mér finnst eins og sé verið að henda ofaní ljónagryfju, en ég held að þetta séu nú bara eðlileg viðbrögð hvers foreldris sem upplifa þetta í fyrsta skiptið, en þar sem að litla dúllan er sko búin að læra að skrifa, lesa, reikna og talar útlensku reiðbrennandi að eigin sögn þá er þetta held ég ekkert áhyggjuefni

En þá er það litli snáðinn minn, hann er að fara að byrja í nýjum leikskóla sem er sök sér í lagi en við eigum nú eftir að sakna Flúða alveg ferlega mikið, frábær leikskóli þar á fer og mælum við alveg hiklaust með honum, en það er bara svo mikið þægilegra að hafa þau bæði í naustahverfinu, og þvílík þægindi að hafa þau hlið við hlið og mjög stutt frá heimilinu.

Það styttist óðum í sumarfríið og er búið að plana að það verður farið í ferðalag, vonandi að við getum farið með mömmu, Stebba, afa, ömmu og Töru og co, það væri nottla bara æði að skreppa með þeim í nokkra daga útilegu.  

Kostningarnar á næsta leiti og vonandi að allir séu búnir að gera upp hug sinn og kjósi rétt, hvað svo sem það rétta er í þessu samhengi

 

Nú! ertu sekur um eitthvað?

Þessi maður er eitt það mesta viðundur sem um getur!

Rudolf Mayer, verjandi Fritzl, sagði hins vegar að umbjóðandi sinn væri maður en ekki skrímsli og bað kviðdómendur um að gæta hlutleysis, er bara ekki allt í lagi heima hjá gaurnum? ef þessi Josef Fritzl er ekki skrímsli þá skal ég hundur heita, það er ekkert annað en hneyksli að setja svona vitleysu út úr sér í návist annarra og ætlast til þessa að fá góðan hljómgrunn, maðurinn hlýtur að hafa verið með óráði ég segi ekki annað.

Fritzl játar sekt

Þetta er ekki gott mál!

Því miður þá hefur mikið atvinnuleysi herjað á Íslensku þjóðina síðustu mánuði og virðist lítið lát á, því miður!  En eins og glöggt má sjá eru ívið fleiri karlar en konur atvinnulausir og má það líklegast benda til þess að það eru ansi margir iðnaðarmenn búnir að missa vinnuna sína, já og auðvitað fólk úr viðskiptalífinu, eins og t.d bankastarfsmenn bæði undir og yfirmenn. 

Vonandi fer þetta nú allt að glæðast með hækkandi sól, ég er allavega mjög fegin því að vera í öruggri og góðri vinnu sjálf og er minn maður líka ennþá í 100% vinnu þrátt fyrir að vera iðnaðarmaður, en maður veit svosem ekki hvað það endist þar sem hann er málari sem vinnur hjá afar völtu fyrirtæki að mínu mati, en vonandi að allt þetta fari bara á besta veg.  Ég vill nú meina þrátt fyrir allt, að þessi harða kreppa sem herjar á gæti jafnvel opnað mörgum ný og spennandi tækifæri, og klárlega komin tími á það að fólk hætti þessari neyslugreddu sem það hefur verið sýkt af síðustu ár sökum góðæris. 

Ríflega 17 þúsund á atvinnuleysisskrá